Saturday, October 13, 2012

Twinkle Twinkle Diamond Star : ප්‍රථිවියට ආසන්නයෙන් සොයාගත් දියමන්ති ලෝකය!


ප්‍රථිවියේ සිට ආලෝක වර්ෂ 40ක් ඈතින්, දියමන්තියක් සේම දීප්තිමත්ව බබළන ග්‍රහලෝකයක් සොයා ගැනීමට තාරකා විද්‍යාඥයින් සමත් වී තිබෙනවා. එහි මතුපිට පුරාම වටිනා දියමන්ති විසිරී ඇති බවයි දැනගන්නට ලැබෙන්නේ.

මෙම ග්‍රහලෝකය Cancri 55 e ලෙස නම්කර ඇති අතර එහි විශාලත්වය ප්‍රථිවිය මෙන් දෙගුණයක් හා ස්කන්ධය ප්‍රථිවිය මෙන් 8 ගුණයක්ද වනවා. ප්‍රථිවියේ මතුපිට ජලයෙන් හා පාෂාණවලින් වැසී තිබුණත් මෙම ග්‍රහ ලෝකයේ මතුපිට ඇත්තේ දියමන්ති හා මිනිරන් බවයි විද්‍යාඥයින් පවසන්නේ. අලුත්ම පර්යේෂණයකින් හෙළි වී ඇත්තේ අවම වශයෙන් ග්‍රහලෝකයේ තුනෙන් එකක්වත් දියමන්ති ඇති බවයි, (බරින් ප්‍රථිවිය මෙන් තුන් ගුණයක්).

මෙවැනි ග්‍රහලෝකයක් සොයා ගත් පළමු අවස්ථාව මෙය බව ප්‍රධාන පර්යේෂක Nikku Madhusudhan කියා සිටී. " මතුපිට වතුර හා පස් වෙනුවට මිනිරන් හා දියමන්ති තමයි තියෙන්නේ, මේක තමයි ප්‍රථිවියට වඩා වෙනස්ම තත්ත්වක් ඇති ශෛලමය ලෝකයක් හොයාගත්තු පළමු අවස්ථාව! "





මෙම දියමන්ති ග්‍රහලෝකය ශ්‍රීඝ්‍රයෙන් පරිභ්‍රමණය වන අතර එහි වසරක් යාමට ගතවන්නේ පැය 18කි. මෙහි උෂ්ණත්වය ෆැරන්හයිට් 3900ක් පමණ වන බැවින් ජීවී පැවැත්මක් ගැන සිතිය නොහැකි බව විද්‍යාඥයින්ගේ අදහසයි.

මෙය ප්‍රථිවියට ආලෝක වර්ෂ 40ක් පමණ ඈතින් පිහිටා තිබුණත් පියවි ඇසින් දැකිය හැකි ග්‍රහලෝකයක්, ඉතින් ඔබ තාරකා විද්‍යාව ගැන උනන්දු කෙනෙක්නම් පැහැදිළි අහසක් ඇති රාත්‍රියක ඔබේ සුමිතුරු දුරේක්ෂයත් අරන් එළියට බැහැලා මේ දියමන්ති ලෝකය අහසේ හොයාගන්න උත්සහ කරන්නකෝ ( කොම්පියුටරේ දිහාම බලන් ඉන්නැතුව ලස්සන අහස දිහාත් බැලුවොත් නරකද? :P )
මෙන්න සිතියම!
සැ.යු. : තද නිල්පැහැති රේකාවකින් යාකර ඇත්තේ කටක ( Cancer ) තාරකා රාශියයි, ඊට ස්වල්පයක් වමට වන්නට මෙම ග්‍රහලෝකය පිහිටා ඇත.

Sunday, July 1, 2012

ශ්‍රී ලංකාවේ භූ චලන



මීට මාස කිහිපයකට කලින් නම් ශ්‍රී ලංකාවේ භූ චලන සිදුවේ යැයි සිහිනයකුදු සිතිය නොහැකි විය. එහෙත් මෑත කාලයේ වාර්තා වුනු සිදුවීම් පිළිබඹව විමසා බැලීමේදී අපට වැටහුණු දෙයක් නම් අනාගතයේදී ශ්‍රී ලංකාව තුළද භූමි කම්පා ඇතිවීමට බොහෝ සේ ඉඩ ඇති බවයි. අප්‍රේල් සහ මැයි මාසවල සැලකිය යුතු තරමේ භූ චලන සංඛ්‍යාවක් ශ්‍රී ලංකාව තුළ සිදුවූ බව ඔබ දැනටමත් දන්නවා ඇති. විශේෂයෙන් මහනුවර, පේරාදෙණිය, නුවරඑළිය සහ මහියංගනය යන ප්‍රදේශවල මෙම භූ චලන වාර්තා විය. මීට අමතරව කොළඹ වරාය ආශ්‍රිතවද සුළු භු චලන සිදු වූ බවට කනින් කොනින්  ඇසුනි. ඒ කෙසේ වෙතත් මෙම භු චලන නිසා ජීවිත හෝ දේපළ හානියක් සිදු නොවීම ගැන අපි සතුටු වෙමු.



ශ්‍රී ලංකාවේ භූ කම්පන ඉතිහාසය.

ශ්‍රී ලංකාව තුළ සිදුවන භු චලන පිළිඹඳව කතාබහ කිරීමට පටන් ගත්තේ මෑතකදී වුවත් ශ්‍රී ලංකාවේ භූ චලන ඉතිහාසය වර්ශ 1614 තරම් දුරකට දිවයයි. කොළඹ අවටින් වාර්තා වූ බව කියන මෙම භූමිකම්පාවෙන් පුද්ගලයින් 2000ක් මියගොස් නිවාස 200කට අධික ප්‍රමාණයක් විනාශ වී තිබෙනවා. ඊට හරියටම වසර 100කට පසුව එනම් 1714 දී මඩකලපුවේදීත්, 1823 දී ශ්‍රී ලංකාව ආශ්‍රිත මුහුදේත් භූ චලන සිදුවී තිබෙනවා. 1974 දී දින දෙකකදී භූ චලන සිදුවී තිබෙනවා. පසුගිය වසර 100ක කාලයේදී  ශ්‍රී ලංකාව තුළ හා ශ්‍රී ලංකාව ආශ්‍රිතව භූ චලන 60කටත් අධික සංඛ්‍යාවක් වාර්තා වී තිබෙනවා.
ශ්‍රී ලංකාවට කිලෝමීටර 800ක් දකුණින් එක් රේකාවක භූ චලන සිදුවීමට ආරම්භ වී තිබෙන අතර එය භූ තලයක් ලෙස හඳුනා ගත හැකිය. ශ්‍රී ලංකාවට  මෙහි බලපෑමක් ඇති බවට තවමත් සාධක නැතත්, ශ්‍රී ලංකාව තුළද භූමි කම්පා ඇතිවීමට ඉඩකඩ ඇති බව අමතක නොකළ යුතු කාරණයකි.

භූමිකම්පාවක් ඇතිවුනොත් මොකද කරන්නේ?

භූමිකම්පාවකදි කරන්න ඕන වැදගත්ම දේ තමයි එළිමහන් ස්ථානයකට යන එක. මොකද, භූමිකම්පාවකදි සිදුවන ජීවිත හානි බොහෝමයක් සිදුවන්නේ ගොඩනැගිලි කඩාවැටීම නිසා. ඒක නිසා භූ චලනයක් පිළිඹඳව අවධානමක් දැනුණු විගසම කරන්න ඕන එළිමහන් ස්ථානයකට යන එකයි. හැබැයි තමන් ඉන්නේ ලොකු ගොඩනැගිල්ලක් ඇතුළේ නම් කොහාටවත් යන්න උත්සහ කරන්න හොඳනැහැ. ඒ වගේ අවස්ථාවකදී හොඳ ශක්තිමත් දෙයක් යටට වෙලා ආරක්ෂා වෙන්න උත්සහ කරන්න ඕන. එහෙම ආවරණයක් හොයාගන්න බැරිනම් හොඳම දේ තමයි බිත්ති දෙකක් එකතු වෙන මුල්ලකට වෙලා පුළුවන් තරම් හිස ආරක්ෂා වෙන විදිහට ඉන්න එක.

මේ VIDEO එක බලලා පොඩි අදහසක් ගන්නකෝ.






Tuesday, June 26, 2012

"Chain E-mail" වල ඇත්ත නැත්ත.



ඔයාලා දන්නවා Chain Letter එකක් එහෙමත් නැත්නම් Chain E-mail එකක් කියන්නේ, එක් පුද්ගලයෙක්ට අදාල ලිපිය ලැබීමෙන් පසුව එය තවත්  පුද්ගලයෙක්ට හෝ කිහිපයකට යැවීමට බල කරන සහ එසේ නොකරන අයට විවිධාකාරයේ සිදුවීම් සිදුවනවා යැයි පවසා අදාල ලිපිය කියවන්නා බියට පත්කරන ලිපි වලට.

ඇත්තටම මේ ලිපිවල සත්‍යතාවය මොකක්ද? ඔයාලටත් සමහර විට මේ වගේ ලිපි ලැබිලා, ඒවා යාළුවොන්ටත් යවල ඇති. මේ පිළිඹඳව සොයා බැලීමේදී අනාවරණය වෙලා තියෙනවා මේවා නිකන්ම නිකන් බොරු ලිපි බව. ඇත්තටම මෙවැනි ලිපියක් පළමුවරට කියෙව්වම හිතට බයක් දැනෙන එක සාධාරණයි ඒක මනුස්ස ගතියනේ, ඒත් හොඳට මතක තියාගන්න මේවා සම්පූර්ණයෙන්ම මිත්‍යා විශ්වාස කියලා. ඒ වගේම SPAM කිරීමක් කියලා.


ඉතින් ඔන්න අද ඉඳලවත් අනිත් අයට Forward කරන්න කියලා එවන SMS වලට E-mail වලට බය වෙන්නේ නැතුව, ඒ වගේ මේල් එකක් ආවොත් එක්කෝ Report කරන්න එහෙමත් නැත්නම් Delete කරන්න. එය ගොඩක් දෙනෙක්ගේ කාලය සහ මුදල් ඉතිරි කරාවි.




Monday, June 25, 2012

දකිමු ලෝකය




අපි ලෝකය දකින්නේ එක එක විදිහට, අපේ පිළිගැනීම්, ඇදහීම් අනුව අපි ලෝකය දිහා දකින විදිහ වෙනස් වෙනවා. අපි මොන විදිහකට ලෝකය දිහා බැලුවත්, අවසානයේ සත්‍ය තත්ත්වය වටහා ගන්න අපිට පුළුවන් වෙන්න ඕන. පොඩිකාලේ අපි මුහුදු වෙරළ බලන්න ගියාම හිතුවේ අහසයි මහුදයි ඈත කොහේහරි එකතු වෙනවා කියලා නේද? ඒත් අපේ අම්මයි තාත්තයි අපිට කිව්වා එහෙම වෙන්නේ නැහැ කියලා. අපි ඒ වෙලාවේ අම්මලා කියපු දේ පිළිගත්තේ නැති උනත් දැන් අපි ඒක පිළිගන්නවා. අන්න ඒ වගේ තමයි අපිට පෙනෙන විදිහට නෙවේ සමහර දේවල් ඇත්තටම තියෙන්නේ, අපි බොහෝ වේලාවට රැවටෙනවා, මුලා වෙනවා, අන්තිමට ඇත්ත දැනගත්තම දුක්වෙනවා. ඉතින් අපේ මේ උත්සහය ලෝකය දිහා බලන්න, නිකන්ම නිකන් නෙවේ, ඇත්ත ලෝකය ඇති සැටියෙන් දකින්නට.

"දකිමු ලෝකය
ක්ෂිතිජයෙන් එහා!"